Ragnar Pétur Jóhannsson bassasöngvari hefur komið fram í fjölda sýninga á undanförnum árum, jafnt leiksýningum sem óperusýningum. Hann lék í tveimur uppsetningum með stúdentaleikhúsinu, Öskufalli undir leikstjórn Tryggva Gunnarssonar og leiksýningunni Meinvillt undir leikstjórn Vignis Rafns Valþórssonar, sem var unnin upp úr Saved eftir Edward Bell .

Hann stundaði nám við Tónlistarskólann í Reykjavík 2014 – 2017 hjá Hlín Pétursdóttur Behrens og við Listaháskóla Íslands frá 2018 hjá Kristni Sigmundssyni, Þóru Einarsdóttur, Dísellu Lárusdóttur og Hönnu Dóru Sturludóttur. Fyrsta ár sitt í háskólanámi söng hann í djassóperunni „Trouble in Tahiti“ eftir Leonard Bernstein undir leikstjórn Pálínu Jónsdóttur. 

Árið 2021 fór hann með hlutverk skarfsins í óperunni Fuglabjarginu eftir Birni Jón Sigurðsson undir leikstjórn Hallveigar Eiríksdóttur í Borgarleikhúsinu. Þá fór hann með hlutverk garðyrkjumannsins Antonio í uppfærslu Kammeróperunnar á Brúðkaupi Fígarós eftir Mozart í Borgarleikhúsinu 2025.

Ragnar er einnig meðlimur rakarakvartettsins Barbara, sem hreppti bronsverðlaun á Norðurlandamóti Barbershopsöngvara (SNOBS) árið 2023 og hefur verið leiðandi í rakarakvartettsenu Íslands frá stofnun árið 2013. Hann hefur einnig sungið bassa með karlahópnum Kyrju og unnið að myndbandskynningarefni fyrir hópinn. Frá árinu 2025 hefur hann einnig verið meðlimur alþjóðlegu söngsveitarinnar M’ANAM.

Fyrir óperuna La bohème hefur Ragnar unnið sem markaðssérfræðingur Óðs og unnið að birtingu myndbanda tengdum sýningunni. 

Hlutverk í uppsetningum Óðs:

ÁSTARDRYKKURINN
           – Dulcamara

DON PASQUALE
           – Don Pasquale

PÓST-JÓN
           – Bísjú
           – Þýðing aríu Bísjú

RAKARINN Í SEVILLA
           – Bartolo

LA BOHÈME
           – Colline