Þórhallur lærði við tónlistarskólann Suzuki Allegro frá sex ára aldri, á píanó hjá Kristni Erni Kristinssyni og fiðlu hjá Helgu R. Óskarsdóttur. Píanónáminu hélt hann áfram hjá Mörthu Brickman í Vancouver og Þóru Fríðu Sæmundsdóttur við tónlistarskóla FÍH til ársins 2010. Hann hóf þá söngnám hjá Þórunni Guðmundsdóttur í Tónlistarskólanum í Reykjavík og lærði síðar við tónlistarháskólann Musik und Kunst í Vínarborg hjá Manfred Equiluz. Eftir heimkomu árið 2019 sótti hann tíma hjá Jóni Þorsteinssyni og Sólveigu Sigurðardóttur.

Þórhallur er formaður Óðs og syngur tenór í sýningum hópsins. Auk þess hefur hann unnið þýðingu og leikgerð síðustu þriggja sýninga í samstarfi við Sólveigu Sigurðardóttur. Hann hefur einnig verið virkur þátttakandi í öðru tónlistarlífi á Íslandi en hann var Almaviva í uppsetningu Þórunnar Guðmundsdóttur á Hliðarsporum, Aeneas í uppsetningu Sumartónleika í Skálholti á Dido og Aeneas og söngvari í BRÍM eftir Friðrik Margrétar-Guðmundsson og Adolf Smára Unnarsson.

Þórhallur er stofnmeðlimur sönghópsins Kyrju og hefur sungið með margvíslegum hópum hérlendis en einnig með alþjóðlegum sönghópum á borð við Anúna og M’ANAM. Hann er einnig menntaður tölvunarfræði frá Háskóla Íslands og hefur unnið að þróun nýrra reiknirita í lífupplýsingafræði hjá Háskóla Íslands og California Institute of Technology.

Hlutverk í uppsetningum Óðs:

ÁSTARDRYKKURINN
           – Nemorino

DON PASQUALE
           – Ernesto

PÓST-JÓN
           – Jón Guðmundsson / Monsenjör Fuglesang
           – Handrit, þýðing og leikgerð

RAKARINN Í SEVILLA
           – Almaviva greifi
           – Handrit, þýðing og leikgerð

LA BOHÈME
           – Rodolfo
           – Handrit, þýðing og leikgerð