„Frá örófi alda hafa ráðandi stéttir haldið sínu besta stássi frá skítugum almúganum.
Í árdaga voru það grískir guðir með blessaða eldinn sinn. Síðan var það kaþólska kirkjan með biblíuna á tungumáli sem enginn skildi. Nú eru það forstjórar fyrirtækja sem eru eðlufólk og stjórna okkur með 5G-netinu sínu.

Óður vill stela eldinum af eðlufólkinu og færa hann pöpulnum, sem eru legkökuspendýr. Smá eins og Hrói höttur. Eða Prómeþeifur. Eða Lúther. Eða höfrungar. Þetta eru allt góð og gild dæmi um legkökuspendýr.“